Baş xəbər, İdman
30.05.2019 / 01:00

"Çelsi" Bakıda "Arsenal"ı darmadağın edərək Avropa Liqasının qalibi olub- YENİLƏNİB-8

"Çelsi" Bakıda "Arsenal"ı darmadağın edərək Avropa Liqasının qalibi olub-
Bakı Olimpiya Stadionunda İngiltərənin "Çelsi" və "Arsenal" komandaları arasında final oyunu keçirilib.

İnform.az "Report"un məlumatına istinadən bildirir ki, görüş "zadəganlar"ın böyük hesablı qələbəsi ilə yekunlaşıb - 4:1.

00:38

Bakı Olimpiya Stadionunda İngiltərənin "Çelsi" və "Arsenal" komandaları arasında keçirilən Avropa Liqasının final oyununda daha 2 qol vurulub.

69-cu dəqiqədə "Arsenal"ın futbolçusu Aleks İvobi fərqi azaldıb. Lakin 72-ci dəqiqədə Eden Azar "dubl" edərək, yenidən fərqi 3-ə çatdırıb.

00:25

"Çelsi" Bakıda keçirilən UEFA Avropa Liqasının finalında böyük üstünlük əldə edib.

Oyunun 65-ci dəqiqəsində Eden Azar fərqlənib.

O, Oliviye Jiruya qarşı kobudluqdan sonra təyin edilən penaltini dəqiq yerinə yetirib - 3:0.

00:19

Bakıda keçirilən UEFA Avropa Liqasının finalında ikinci qol vurulub.

Oyunun 60-cı dəqiqəsində "Çelsi"nin sol cinahdan təşkil etdiyi hücum qolla nəticələnib.

Eden Azarın ötürməsini Pedro Rodriqes dəqiq zərbə ilə tamamlayıb.

00:11

Bakıda keçirilən UEFA Avropa Liqasının finalında hesab açılıb.

Matçın 49-cu dəqiqəsində "Çelsi"nin forvardı Oliviye Jiru başla fərqlənib.

O, bununla da Avropa Liqasının cari mövsümdə 11-ci qolunu vuraraq bombardirlik yarışında vahid lider olub.

Onun yalnız hesabında 8 qolu olan "Arsenal"ın forvardı Pyer-Emerik Obameyanqın keçmək üçün real imkanı imkanı var.

00:09

Bakıda keçirilən UEFA Avropa Liqasının finalında ikinci hissəsi başlayıb.

İlk hissədə hesab açılmayıb.

İkinci 45 dəqiqədə də qalib bilinməsə, əlavə vaxt oynanılacaq. Orada da komandalardan heç biri qələbə hesabını təmin etməyi bacarmasa, qalib penalti seriyası ilə müəyyənləşəcək.

23:52


Bakıda keçirilən UEFA Avropa Liqasının birinci hissəsi başa çatıb.

İlk hissədə hesab açılmayıb.

23:00


Bakıda UEFA finalı start götürüb.

Bakı Olimpiya Stadionunda keçirilən oyunda İngiltərənin "Çelsi" və "Arsenal" komandaları qarşılaşır.

21:51

Bakıda keçiriləcək UEFA Avropa Liqasının finalında qarşılaşacaq İngiltərənin “Çelsi” və “Arsenal” komandaları start heyətlərini açıqlayıblar.

“Report” UEFA-nın rəsmi saytında yer alan “11-lik”ləri təqdim edir:

“Çelsi”: 1. Kepa Arrisabalaqa, 28. Sesar Aspilikueta , 27. Andreas Kristiensen, 30. David Luis, 33. Emerson Palmieri, 17. Mateo Kovaçiç, 5. Jorjinyo, 7. Nqolo Kante, 11. Pedro Rodriqes, 18. Oliviye Jiru, 10.Eden Aza
r

“Arsenal”: 1. Petr Çex, 31. Sead Kolaşinats, 6. Loran Koselny, 5. Sokratis Papastatopulos, 18. Naço Monreal, 15. Enzli Meytlend-Naylz, 34. Qranit Caka, 11. Lukas Torreyra, 14. Pyer-Emerik Obameyanq, 10. Mesut Özil, 9. Aleksandr Lyakezett

Qeyd edək ki, bu gün Bakı Olimpiya Stadionunda keçiriləcək oyun saat 23:00-da başlayacaq.


İnform.az

Baxış sayı: 79