İdman
01.04.2019 / 12:45

Azərbaycanın boccia üzrə paralimpiya yığması beynəlxalq yarışda bürünc medala layiq görülüb/ FOTO

Azərbaycanın boccia üzrə paralimpiya yığması beynəlxalq yarışda bürünc medala layiq görülüb/
Xorvatiyanın Zaqreb şəhərində keçirilən, Azərbaycan Respublikası Milli Paralimpiya Komitəsinin boccia idman növü üzrə milli komandasının da iştirak etdiyi Açıq Regional Çempionat başa çatıb.

ƏƏSMN-nin İctimaiyyətlə əlaqələr şöbəsindən İnform.az-a verilən məlumata görə, 18 ölkənin boccia üzrə komandalarının iştirak etdiyi çempionatda boccia üzrə milli yığmamız qrup mərhələsində ilk oyunda Macarıstan yığmasına məğlub olsa da, Xorvatiya yığması ilə qarşılaşdığı növbəti oyunu qələbə ilə başa vurub.

Yığmamız Türkiyə yığması ilə qarşılaşmada da uğur qazanaraq yarımfinala qədər yüksəlib.

Yarımfinalda komandamız Slovakiya yığmasına məğlub olmasına baxmayaraq, Yunanıstanın komandası ilə oyunda qələbə qazanıb. Beləliklə, Azərbaycan bocciaçıları Açıq Regional Çempionatda üçüncü yeri qazanaraq, bürünc medala sahib olublar.

Yarışda birinci və ikinci yerləri müvafiq olaraq Slovakiya və Xorvatiya komandaları tutub.

Azərbaycanın boccia üzrə paralimpiya yığması beynəlxalq yarışda bürünc medala layiq görülüb/


Azərbaycanın boccia üzrə paralimpiya yığması beynəlxalq yarışda bürünc medala layiq görülüb/



İnform.az

Baxış sayı: 69