İdman
11.02.2019 / 10:25

Karateçilərimizin növbəti uğuru/ FOTO

Karateçilərimizin  növbəti uğuru/
Son qitə çempionatlarında bir-birinin ardınca iki bürünc medal qazanan Murad Hacızadə (kumite +84 kq, şəxsi məşqçisi Rafael Məmmədov, milli komanda məşqçisi Anar Allahverdiyev), Danimarkanın Aalborq şəhərində 21 yaşadək gənclər arasında Avropa çempionu olublar.

Bu barədə İnform.az-a Azərbaycan Milli Karate Federasiyasının Media və ictimaiyyətlə işlər katibi Sənan Məhərrəmov məlumat verib.

Dörd görüşün heç birində xal buraxmayan seçmə komandanın lideri, turnirin ən yaxşı idmançılarından biri olub. M.Hacızadənin çempionluğu ümumi komanda sıralamasında geriləyən Azərbaycan karateçilərini 4-cü pilləyə yüksəldib.

Yarışın əvvəlki günləri Roman Heydərov (21 yaşadək gənclər, kata), Əminağa Quliyev (16-17 yaşlı gənclər, -61 kq), eləcə də Tale Yaqubov (14-15 yaşlı yeniyetmələr, kumite) ardıcıl ikinci dəfə qızıl medala, Hüseyn Məmmədli (14-15 yaşlı yeniyetmələr, kumite) isə bürünc mükafata sahib olub.

Emil Güləhmədov bürünc medal uğrunda həlledici görüşdə qərəzli hakimlik səbəbindən mükafatsız qalıb. Daha bir idmançımız İsmayıl Məhəbbətli (14-15 yaşlı yeniyetmələr, kumite, -70 kq) təsəlliverici görüşlərə qatılsa da, üçüncülük şansını əldən verib.

Azərbaycan Milli Karate Federasiyasının prezidenti və Avropa Karate Federasiyasının (EKF) İdarə heyətinin üzvü Yaşar Bəşirov mükafatlandırma mərasimində iştirak etdi. EKF tərəfindən etimad göstərilən Beynəlxalq hakim Cahangir Babayev, qitə çempionatının final görüşlərini idarə edən xüsusi referilər qrupuna daxil olunub.

1 bürünc medaldan əlavə, Danimarkada Azərbaycan himnini 4 dəfə səsləndirən karateçilərimiz ilin sonunda daha mötəbər yarış, iki ildən bir keçirilən yeniyetmə və gənclərin Dünya çempionatı gözləyir.

14-15 yaşlı yeniyetmələr və 16-17 yaşlı gənclər arasında 46-cı, 21 yaşadək gənclərdə isə 11-ci qitə çempionatında 51 ölkədən 1092 idmançı iştirakı etdi. Onlardan yalnız 34 dövlətin karateçiləri müxtəlif əyarlı mükafatlar, 14 ölkənin idmançıları isə qızıl medala sahib ola bilib

Yarışın sonunda EKF-in bayrağı növbəti Avropa çempionatının təşkilatçısı Macarıstan nümayəndələrinə verilib.

Karateçilərimizin  növbəti uğuru/


Karateçilərimizin  növbəti uğuru/


Karateçilərimizin  növbəti uğuru/


Karateçilərimizin  növbəti uğuru/


Karateçilərimizin  növbəti uğuru/



İnform.az

Baxış sayı: 25