Sosial
24.01.2019 / 15:00

Qeyri-rəsmi məşğulluq hallarının qarşısının alınması üçün işəgötürənlər arasında növbəti maarifləndirmə tədbiri keçirilib/ FOTO

Qeyri-rəsmi məşğulluq hallarının qarşısının alınması üçün işəgötürənlər arasında növbəti maarifləndirmə tədbiri keçirilib/
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Bakının Xəzər rayonunda “Əmək münasibətlərinin rəsmiləşdirilməsi, əmək müqaviləsinin bağlanması, şərtlərinin dəyişdirilməsi və xitam verilməsinin əsasları və qaydaları” və “Qeyri-rəsmi məşğulluğun qarşısının alınması” mövzularında seminar keçirib.

Nazirliyin İctimaiyyətlə əlaqələr şöbəsindən İnform.az-a verilən məlumata görə, tədbirdə Xəzər, Sabunçu və Pirallahı rayonlarının ayrı-ayrı işəgötürənləri, həmkarlar təşkilatlarının, Əmək və Əhalinin Sosial Müdafiəsi Nazirliyinin yerli bölmələrinin rəhbərləri, Vergilər Nazirliyinin nümayəndəsi iştirak ediblər.

Seminarda əmək münasibətlərinin rəsmiləşdirilməsi proseduru, əmək müqaviləsinin bağlanması, şərtlərinin dəyişdirilməsi və xitam verilməsinin əsasları və qaydaları barədə məlumat verilib.

Əmək münasibətlərinin əmək müqaviləsi əsasında rəsmiləşdirildiyi və bu müqavilələrin işçilərin əmək və sosial müdafiə hüquqlarına əsaslı təminat yaratdığı vurğulanıb.

İşçilərlə əmək müqaviləsi olmadan həyata keçirilən əmək münasibətlərinin işçinin gələcək sosial təminatına heç bir əsas, imkan yaratmayan qeyri-rəsmi məşğulluq halı olduğu, belə halların vergi və sosial sığorta daxilolmalarına da ciddi ziyan vurduğu bildirilib.

Qeyri-rəsmi məşğulluq hallarının qarşısının alınması üçün işəgötürənlər arasında növbəti maarifləndirmə tədbiri keçirilib/


Qeyri-rəsmi məşğulluq hallarının qarşısının alınması üçün işəgötürənlər arasında növbəti maarifləndirmə tədbiri keçirilib/



İnform.az



Baxış sayı: 230