Baş xəbər, Sağlamlıq
24.01.2019 / 11:55

AQTA Türkiyəyə soğan ixrac edən sahibkarlara müraciət etdi

AQTA Türkiyəyə soğan ixrac edən sahibkarlara müraciət etdiTürkiyənin Kənd Təsərrüfatı və Meşəçilik Nazirliyi Azərbaycan Qida Təhlükəsizliyi Agentliyinə Azərbaycanda becərilən soğan məhsulunun “Zərərli Risk analizi“nin aparılması ilə bağlı müraciət edib.

Qurumun İnformasiya təminatı və innovativ həllər şöbəsindən İnform.az-a verilən məlumata görə, məlumat daxil olduqdan dərhal sonra, Azərbaycanda becərilən soğanın risk təhlili aparılıb və nəticələr Türkiyəyə göndərilib.

Risk təhlilindən sonra, uyğun şərtlər daxilində, Azərbaycandan Türkiyəyə soğan idxalına icazə verilib. Belə ki, ölkədən Türkiyəyə ixrac olunan soğan Azərbaycan mənşəli olmalı, kartof gövdə nematodu, gövdə nematodu və soğanın ağ çürüməsi zərərli orqanizmlərinə sirayətlənməməlidir.

Bununla əlaqədar, Qida Təhlükəsizliyi Agentliyi sahibkarların nəzərinə çatdırır ki, Türkiyəyə soğan ixrac edərkən bu tələbləri nəzərə alsınlar. İxrac etmək istədikləri soğanın mənşəyinə və fitosanitar təhlükəsizliyinə diqqət yetirsinlər.

Əks halda qanunvericiliyə uyğun olaraq müvafiq tədbirlər görüləcək.




İnform.az

Baxış sayı: 185