Elm-təhsil
14.01.2019 / 12:10

TSİ Bakı Ali Neft Məktəbinin İSO standartlarına tam cavab verdiyini təsdiq edib

TSİ Bakı Ali Neft Məktəbinin İSO standartlarına tam cavab verdiyini təsdiq edibTürk Standartları İnstitutu (TSİ) Bakı Ali Neft Məktəbində (BANM) növbəti dəfə qiymətləndirmə keçiriblər.

Bu məqsədlə TSİ-nin Azərbaycan nümayəndəliyinin təmsilçisi Gülhan Yüzereroğlu və onun rəhbərlik etdiyi nümayəndə heyəti BANM-da olublar.

BANM-nin İctimaiyytlə əlaqələr şöbəsindən İnform.az-a verilən məlumata görə, bir neçə gün davam edən qiymətləndirmə zamanı nümayəndələr Ali Məktəbin müxtəlif şöbələri və kafedralarında olub, iş fəaliyətini analiz ediblər.

Qiymətləndirmənin yekunu olaraq Ali Məktəbin malik olduğu İSO standartlarını təhsildə layiqincə yerinə yetirdiyi təsdiq edilib və bu standartların tətbiqinin davam etdirilməsi tövsiyə edilib.

Qeyd edək ki, BANM Azərbaycanda ISO 9001 “Keyfiyyət idarəetmə Sistemi”, ISO 14001 “Ekologiya idarəetmə sistemi”, OHSAS 18001 “Əməyin mühafizəsi və təhlükəsizlik texnikası idarəetmə sistemi”, ISO 10002 "Müştəri məmnuniyyəti - şikayətlərin idarə edilməsi üzrə rəhbər göstərişlər" standartlarına sahib və həmin standartları uğurla tətbiq edən yeganə ali təhsil müəssisədir.



İnform.az

Baxış sayı: 33