Sosial
07.01.2019 / 17:00

“ASAN xidmət” və “ASAN Kommunal” mərkəzlərində fəaliyyət göstərən “Azərsu” ASC-nin xidmət bölmələrinə 83250 müraciət edilib/ FOTO

“ASAN xidmət” və “ASAN Kommunal”  mərkəzlərində fəaliyyət göstərən “Azərsu” ASC-nin  xidmət bölmələrinə  83250 müraciət edilib/
“Azərsu” Açıq Səhmdar Cəmiyyətinin Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “ASAN xidmət” və “ASAN Kommunal” mərkəzlərində təmsil olunması istehlakçılara göstərilən müştəri xidmətlərinin asanlaşdırır və bu sahədə şəffaflığın artırılmasını təmin edir.

2018-ci ildə bu mərkəzlərə “Azərsu” ASC-nin təqdim etdiyi xidmətlərlə bağlı çoxsaylı müraciətlər daxil olub.

"Azərsu"-nun İctimaiyyətlə əlaqələr şöbəsindən İnform.az-a verilən məlumata görə, hesabat ilində “ASAN xidmət” və “ASAN Kommunal” mərkəzlərində fəaliyyət göstərən “Azərsu” ASC-nin xidmət bölmələrinə vətəndaşlar tərəfindən müxtəlif məsələlərlə bağlı 83250 müraciət edilib.

Müqayisə üçün qeyd edək ki, bu, 2017-ci ilin müvafiq göstəricindən 51 faiz çoxdur.

2018-ci ildə daxil olmuş müraciətlərin 35466-ı “ASAN xidmət”, 44784-ü isə “ASAN Kommunal” mərkəzlərində qeydə alınıb. Ötən il vətəndaşlar xidmət bölmələrinə daha çox texniki şərtin verilməsi, itirilmiş və zədələnmiş smart kartların bərpası, abonent məlumatlarına dəyişikliklərin edilməsi, borclar haqqında məlumatların verilməsi məsələləri bağlı müraciətlər edib.

Qeyd edək ki, “ASAN xidmət” mərkəzlərində “Azərsu” ASC-nin müştəri xidmətlərinin göstərilməsinə 2014-cü ilin may ayından başlanılıb. 2017-ci ildən “Azərsu” ASC “ASAN Kommunal” mərkəzlərində də təmsil olunur.

Ümumilikdə 2014-cü ildən indiyədək bütün xidmət mərkəzlərinə vətəndaşlar tərəfindən müxtəlif məsələlərlə bağlı 192 mindən çox müraciət daxil olub.

Hazırda “Azərsu” ASC-nin xidmətləri Bakı şəhəri Sabunçu rayonundakı 4 və Nizami rayonundakı 5 saylı, Sumqayıt, Gəncə, Sabirabad, Bərdə, Qəbələ, Masallı, Mingəçevir, Şəki, İmişli və Quba şəhərlərindəki “ASAN xidmət”, həmçinin 1 və 2 saylı “ASAN Kommunal” mərkəzlərində təşkil olunub.

“ASAN xidmət” və “ASAN Kommunal”  mərkəzlərində fəaliyyət göstərən “Azərsu” ASC-nin  xidmət bölmələrinə  83250 müraciət edilib/


“ASAN xidmət” və “ASAN Kommunal”  mərkəzlərində fəaliyyət göstərən “Azərsu” ASC-nin  xidmət bölmələrinə  83250 müraciət edilib/



İnform.az

Baxış sayı: 131