Elm-təhsil
13.12.2018 / 11:05

Bakı Ali Neft Məktəbinin tələbələri beynəlxalq olimpiadada iştirak ediblər/ FOTO

Bakı Ali Neft Məktəbinin tələbələri beynəlxalq olimpiadada iştirak ediblər/Bakı Ali Neft Məktəbinin (BANM) tələbələrindən ibarət dörd komanda Gürcüstanda keçirilən “43-cü ACM İCPC – Universitet Tələbələrinin Proqramlaşdırma üzrə Beynəlxalq Müsabiqəsi”ndə iştirak ediblər.

Ali Məktəbin Proseslərin avtomatlaşdırılması mühəndisliyi kafedrasının baş müəllimi Süleyman Süleymanzadənin rəhbərliyi altındaon bir tələbənin iştirak etdiyi beynəlxaq olimpiadanın yarımfinalındaNEERC (Northeastern European Regional Contest) regionda yerləşən ölkələrə aid 318 komanda iştirak edib.Tbilisi şəhərində yerləşən“Avropa Universitetində”baş tutan olimpiadada yarışlar fərdi və komanda şəklində keçirilib.

BANM-nin İctimaiyyətlə əlaqələr şöbəsindən İnform.az-a verilən məlumata görə, beş saat davam edən yarışda Dinamik proqramlaşdırma, Qraf nəzəriyyəsi, Hesablama Geometriyası kimi 12 alqoritmik məsələnin həlli üzərində işlənilib.

Olimpiadanın növbəti günü isə Qafqaz regionu üzrə tələbələrin fərdi yarışması keçirilib.

Tələbələrə verilən 5 saat ərzində 5 müxtəlif alqoritmik məsələ üzərində işlənilib. BANM-ın 5-ci kurs tələbəsi Anar Piriyev fərdi yarışmada III dərəcəli diplomla təltif olunub.

Bakı Ali Neft Məktəbinin tələbələri beynəlxalq olimpiadada iştirak ediblər/




İnform.az

Baxış sayı: 172