İdman
13.12.2018 / 14:15

Dövlət İdarəçilik Akademiyası ilə Gənclər və İdman Nazirliyi arasında Əməkdaşlıq Memorandumu imzalanıb/ FOTO

 Dövlət İdarəçilik Akademiyası ilə  Gənclər və İdman Nazirliyi arasında Əməkdaşlıq Memorandumu imzalanıb/
Bu gün Azərbaycan Respublikasının Prezidenti yanında Dövlət İdarəçilik Akademiyası ilə Azərbaycan Respublikasının Gənclər və İdman Nazirliyi arasında “Davamlı İnkişaf üzrə Gənclərin Tədqiqat və Təlim Mərkəzi”nin yaradılması haqqında Əməkdaşlıq Memorandumu imzalanıb.

Nazirliyin Mətbuat xidmətindən İnform.az-a verilən məlumata görə, Azərbaycan Respublikasının Prezidenti yanında Dövlət İdarəçilik Akademiyasında fəaliyyət göstərəcək Mərkəzin əsas məqsədi davamlı inkişaf sahəsi, xüsusilə Dayanıqlı İnkişaf Məqsədləri mövzusu ətrafında gənclər arasında tədqiqat fəaliyyətinin təşviqi, ardıcıl və məqsədyönlü formada təşkili, idarə edilməsi və istiqamətləndirilməsi olacaq.

Rektor, akademik Urxan Ələkbərov ulu öndər Heydər Əliyev tərəfindən əsası qoyulmuş və Prezident İlham Əliyevin uğurla inkişaf etdirdiyi innovativ idarəetmə texnologiyalarının nəzəri əsaslarının işlənilməsi, onların təcrübədə tətbiqindən danışıb.

Akademik U.Ələkbərov Azərbaycan Respublikasında davamlı inklüziv inkişaf sahəsində ölkə Prezidenti cənab İlham Əliyevin uğurla həyata keçirdiyi strategiyanın əhəmiyyətindən söz açdı, dövlət siyasətinin yüksək peşəkarlıqla planlaşdırılmasının və idarə edilməsinin innovativ idarəetmə texnologiyaları kompleksinin tətbiqi ilə bağlı olduğunu qeyd edib.

Akademik əldə edilən uğurların əsasında idarəetmə sahəsi üçün mühüm olan sinergetik, komplimentar və kompensasion texnologiyaların xüsusi yer tutduğunu vurğuladı.

Rektor ölkənin innovativ inkişafının əsası kimi insan potensialının formalaşdırılması konsepsiyasının reallaşdırılmasında ölkənin Birinci vitse-prezidenti, Heydər Əliyev Fondunun prezindenti Mehriban xanım Əliyevanın milli və beynəlxalq səviyyələrdə fəaliyyətini, ölkənin innovativ tərəqqisinə əvəzsiz töhfə olduğu diqqətə çatdırıb.

Bütün bu fəaliyyətin əsasında gənc kadrların, ölkə gəncliyinin fəaliyyətinə diqqət çəkdi, gənclərin potensialının idarəedilməsinin əhəmiyyətini qeyd edib.

Akademik Urxan Ələkbərov DİA-da açılacaq mərkəzin hazırda dünyada aparıcı mövzulardan biri olan davamlı inkişaf üzrə Azərbaycan gənclərinin bilik və bacarıqlarını artırmasına böyük töhvə verəcəyini vurğuladı. Qeyd olundu ki, artıq bir neçə ildir ki, Dövlət İdarəçilik Akademiyasında davamlı inkişaf üzrə dərslər keçirilir. Yeni açılacaq Mərkəz də öz növbəsində gənclər üçün yeni tədqiqat imkanları yaradacaq, onları qlobal məqsədlərə dəstək olmağa ruhlandıracaq.

Daha sonra çıxış edən Azərbaycan Respublikasının Gənclər və İdman Naziri Azad Rəhimov, 2015-ci ilin sentyabr ayında Birləşmiş Millətlər Təşkilatının Baş Assambleyası tərəfindən qəbul olunmuş Dayanıqlı İnkişaf Məqsədlərinin Azərbaycan Respublikasında reallaşdırılması istiqamətindən irəli gələn öhdəliklərlə bağlı dövlət orqanlarının üzərinə düşən vəzifələrin icrasının səmərəli əlaqələndirilməsi məqsədilə Azərbaycan Respublikasının Prezidenti cənab İlham Əliyevin 06 oktyabr 2016-cı il tarixli Fərmanı ilə Azərbaycan Respublikasının Dayanıqlı İnkişaf üzrə Milli Əlaqələndirmə Şurasının yaradıldığını xatırladıb.

Qeyd olundu ki, 2030-cu ilədək icrası nəzərdə tutulan bu qlobal məqsədlər, xüsusilə gənclər üçün böyük əhəmiyyət kəsb edir. Bildirildi ki, Azərbaycanda DİM-lərə nail olmaqda gənclərin iştirakının təşviqi məqsədilə Gənclər və İdman Nazirliyinin BMT-nin İnkişaf Proqramı ilə birgə həyata keçirdiyi “Qlobal siyasi müzakirələrdə gənclərin fəal iştirakını dəstəkləmək üçün yeni əsasların yaradılması” layihəsi çərçivəsində “Dayanıqlı İnkişaf Məqsədləri üzrə Gənc Səfirlər” seçilib.

Tədbirin sonunda Azərbaycan Respublikasının Prezidenti yanında Dövlət İdarəçilik Akademiyası ilə Azərbaycan Respublikasının Gənclər və İdman Nazirliyi arasında qarşılıqlı əməkdaşlığa dair Memorandum imzalanıb.

 Dövlət İdarəçilik Akademiyası ilə  Gənclər və İdman Nazirliyi arasında Əməkdaşlıq Memorandumu imzalanıb/


 Dövlət İdarəçilik Akademiyası ilə  Gənclər və İdman Nazirliyi arasında Əməkdaşlıq Memorandumu imzalanıb/


 Dövlət İdarəçilik Akademiyası ilə  Gənclər və İdman Nazirliyi arasında Əməkdaşlıq Memorandumu imzalanıb/




İnform.az

Baxış sayı: 259