Sağlamlıq
11.12.2018 / 17:47

Karantin tətbiq edilən zərərvericilərə qarşı nəzarət tədbirləri gücləndirilib/ FOTO

Karantin tətbiq edilən zərərvericilərə qarşı nəzarət tədbirləri gücləndirilib/Qida Təhlükəsizliyi Agentliyinin fitosanitar müfəttişləri tərəfindən keçirilən manitorinqlər nəticəsində Masallı rayonunda Azərbaycan ərazisi üçün karantin sayılan Avstraliya şırımlı yastıcasının (Iceriya purchasi Maskell) yayıldığı müəyyən edilib.

Halbuki zərərli orqanizmin Bakı şəhəri, Abşeron, Lənkəran və Astara rayonlarının ərazisində məhdud dairədə mövcud olduğu məlum idi.

AQTA-nin İnformasiya təminatı və innovativ həllər şöbəsindən İnform.az-a verilən məlumatına görə, manitorinqlərin nəticələri göstərir ki, zərərvericinin əhatə dairəsi genişlənib və Avstraliya şırımlı yastıcası Masallı rayonu ərazisində də müəyyən edilib.

Avstraliya şırımlı yastıcası akasiya, əncir, zeytun, ərik və s. meyvə ağaclarını güclü yoluxdurur. Həmçinin şırımlı yastıca meyvə ağacları ilə yanaşı sitrus bitkilərinə də ciddi zərər verir.

Şırımlı Avstraliya yastıcası 52 növ bitkidə müşahidə olunub. Zərərverici Azərbaycan ərazisində limon, mandarin, apelsin, tut, zeytun ağaclarını yoluxdurur.

Adıçəkilən zərərverici Rusiyada, Qafqazın bütün Qara dəniz sahillərində, yeni Zelandiyada, Şərqi Asiyada, Amerikada və digər ölkələrdə də geniş yaylılıb.

Şırımlı yastıca geniş yayılma potensialına malik olduğu üçün digər ölkələrə asanlıqla keçib. Zərərverici ilə mübarizə zamanı mütəxəssislərin iştirakı ilə kimyəvi üsullardan istifadə olunması tövsiyə edilir.

Karantin tətbiq edilən zərərvericilərə qarşı nəzarət tədbirləri gücləndirilib/


Karantin tətbiq edilən zərərvericilərə qarşı nəzarət tədbirləri gücləndirilib/


Karantin tətbiq edilən zərərvericilərə qarşı nəzarət tədbirləri gücləndirilib/




İnform.az



Baxış sayı: 190