Hadisə
10.12.2018 / 11:27

Bakıda Türkiyə vətəndaşı küçədə ölüb

Bakıda Türkiyə vətəndaşı küçədə ölübBakıda spirtli içki qəbul edən Türkiyə vətəndaşı gecə klubunun qarşısında ölüb.

Trend-in məlumatına görə, hadisə paytaxtın Nəsimi rayonu ərazisində baş verib.

Ölüm hadisəsi Bülbül prospekti ilə Tolstoy küçəsinin kəsişməsində "Boss Klub" gecə klubunun qarşısında baş verib.

Türkiyə vətəndaşı, Qaradağ rayonu, Sahil qəsəbəsi, M.Seyidov küçəsi ev 1, mənzil 51-də müvəqqəti qeydiyyatda olan Rəcbər Taner Bakı şəhər sakini İsmayılov Zaur Zabir oğlu ilə birlikdə paytaxtda "Krivetka Pub" kafesində pivə içiblər.

Daha sonra onlar sərxoş vəziyyətdə Bülbül prospekti ilə Tolstoy küçəsinin kəsişməsindəki "Boss Klub" a gələrək orada spirtli içki qəbul ediblər.

Bir müddətdən sonra R.Taner klubda özünü pis edib və dostundan onu havaya çıxarmağı xahiş edib.

Küçəyə çıxan R.Taner bir neçə dəqiqədən sonra keçinib.

Faktla bağlı Nəsimi rayon Prokurorluğunda araşdırma aparılır.



İnform.az

Baxış sayı: 251