Elm-təhsil
05.11.2018 / 10:40

Bakı Ali Neft Məktəbində Halliburton Günü keçirilib- FOTO

Bakı Ali Neft Məktəbində Halliburton Günü keçirilib-
Bakı Ali Neft Məktəbində (BANM) Amerikanın transmilli şirkəti Halliburtonun Azərbaycandakı nümayəndəliyinin İnsan resursları departamentinin rəhbəri Vüsalə Əkbərova və onun rəhbərlik etdiyi nümayəndə heyətilə görüş keçirilib.

Görüş BANM-ın yuxarı kurs tələbələri üçün təşkil edilib.

BANM-nin Mətbuat xidmətindən İnform.az-a verilən məlumata görə, görüşdə iştirak edən BANM-ın rektoru Elmar Qasımov Ali Məktəbin Halliburton şirkətilə əməkdaşlığından olduqca razı olduğunu və BANM-ın ötən ilki məzunlarından 3 nəfərin bu şirkətdə çalışdığını bildirib.

Halliburton şirkətinin BANM-ın məzunlarından bir mühəndis olaraq olduqca razı qaldığını bildirən şirkətin "İnsan resursları departamenti"-nin təlim üzrə koordinatoru Vüsalə Əkbərova Vüsalə Əkbərova, Ali Məktəbin rektoruna təşkil olunmuş görüş üçün təşəkkür edib.

Daha sonra V.Əkbərova Halliburton şirkətinin tarixi, məqsədi və təhlükəsizlik prinsiplərindən, İnsan resursları departamentinin məsul əməkdaşı Əfşan Mehdiyeva isə tələbələrə CV-nin necə yazılması, intervyunun növləri, karyera qərarlarını necə vermək haqqında təqdimat edib. Maraqlı təqdimat boyunca tələbələr V.Əkbərova və Ə.Mehdiyevaya çoxlu suallar ünvanlayıblar.

Daha sonra Halliburton şirkətinin tamamlama mühəndisləri Ramilə Abbasova və BANM-ın məzunu Fəhmin Hüsüzadə Hallibutron şirkəti haqqında öz təəssüratlarını tələbələrlə paylaşıb və gördükləri işlər haqqında prezentasiya ilə çıxış ediblər.

Tələbələrlə görüşdə həmçinin BANM-ın ilk məzunlarından olan və hazırda Halliburton şirkətində mühəndis olaraq çalışan Ceyhun Fərəcli, şirkətdə xidmət sahəsi üzrə qrupun rəhbəri Sadiq Hüseynov və Sementləşmə departamentinin texniki mütəxəssisi Fərid İsazadə tələbələr qarşısında təqdimatla çıxış ediblər.

Tədbirdə rektor Elmar Qasımov BANM-ın tələbələrinin peşəkar inkişafına və karyeralarında verdiyi dəstəyə görə Halliburtonun Azərbaycandakı nümayəndəliyinin İnsan resursları departamentinin rəhbəri Vüsalə Əkbərovaya “Ali Məktəbin Fəxri qonağı” plaketini təqdim edib və ona gözəl təqdimat, eləcə də BANM-ın tələbələrinə olan marağı üçün təşəkkür edib.

Ali Məktəbə böyük maraq göstərən qonaqlar həmçininBANM-ın kampusunu gəzərək, laboratoriyalar, idman kompleksi, tədris mərkəzlərilə tanış olublar.

Bakı Ali Neft Məktəbində Halliburton Günü keçirilib-



İnform.az

Baxış sayı: 203