Din, Elm-təhsil
11.10.2018 / 14:00

Aİİ və Heydər Əliyev İrsini Araşdırma Mərkəzinin növbəti tədbiri keçirilib- FOTO

Aİİ və Heydər Əliyev İrsini Araşdırma Mərkəzinin növbəti tədbiri keçirilib-
Azərbaycan İlahiyyat İnstitutu (Aİİ) və Heydər Əliyev İrsini Araşdırma Mərkəzi (www.aliyevheritage.org) tərəfindən Azərbaycanda Vətəndaş Cəmiyyətinin İnkişafına Yardım Assosiasiyasının www.1905.az portalının bazasında keçirilən diskussiyalar silsiləsi davam edib.

Aİİ Mətbuat və ictimaiyyətlə əlaqələr şöbəsindən İnform.az-a verilən məlumata görə, növbəti diskussiya “Azərbaycanın İslam həmrəyliyindəki rolu” mövzusuna həsr olunub. Diskussiyada Aİİ-nin prorektoru, ilahiyyat üzrə fəlsəfə doktoru Aqil Şirinov, Aİİ-nin müəllimi, sosiologiya üzrə fəlsəfə doktoru Asəf Qənbərov, Heydər Əliyev İrsini Araşdırma Mərkəzinin əməkdaşı Gündüz Nəsibov,AMEA Fəlsəfə İnstitutunun Davamlı İnkişafın Fəlsəfəsi şöbəsinin müdiriprofessor Sakit Hüseynov,Dövlət İdarəçilik Akademiyasının dosenti,siyasi elmlər üzrə fəlsəfə doktoru Elşad Mirbəşir,“Report” İnformasiya Agentliyinin müxbiri Şamo Quliyev iştirak ediblər.

Tədbiri Heydər Əliyev İrsini Araşdırma Mərkəzinin Baş direktoru siyasi elmlər üzrə fəlsəfə doktoru, Əməkdar jurnalist Fuad Babayev idarə edib.

Müzakirədə Azərbaycanın İslam həmrəyliyindəki rolu, multikulturalizm və tolerantlıq ənənələrinin möhkəmləndirilməsində Azərbaycan xalqının Ümummilli lideri Heydər Əliyevin rolu və digər mövzular ətrafında geniş fikir mübadiləsi aparılıb.

Qeyd olunub ki, Ümummilli lider Heydər Əliyev ikinci dəfə hakimiyyətə gəldikdən sonra,İslam aləmi ilə münasibətlərin qurulması və inkişaf etdirilməsi Azərbaycanın xarici siyasətinin prioritet istiqamətlərindən birini təşkil edib.

Vurğulanıb ki, Azərbaycanın ilk diplomatik missiyaları məhz müsəlman ölkələrində fəaliyyətə başlayıb, dövlətimizin qısa zamanda müsəlman dünyasını birləşdirən İslam Əməkdaşlıq Təşkilatı (İƏT), İslam Təhsil, Elm və Mədəniyyət Təşkilatı (ISESCO) kimi qurumların fəal üzvünə çevrilib.

Müzakirədə ölkəmizin müsəlman dünyası ilə əlaqələrinin genişləndirilməsinə xidmət edən ikitərəfli və çoxtərəfli əməkdaşlıq formatları qurduğu və bu çərçivədə həyata keçirilən bir çox layihələrin qarşılıqlı münasibətlərin möhkəmlənməsinə yönəldiyi bildirilib.

Diskussiyada Azərbaycan Respublikasının Prezidenti İlham Əliyevin bu siyasəti uğurla davam etdirməsi, 2016-ci ili “İslam həmrəyliyi ili” elan etməsi iləAzərbaycanın İslam dünyasının vəhdətyaradıcı məkanolduğunu təsdiqlədiyini qeyd ediblər.

Bu dini dəyərlərin,həqiqətən, bəşəri-humanist, mənəvi-əxlaqi dəyərlər olduğunu, bu ideyaların təkcə İslam coğrafiyasında deyil, bütövlükdə dünyada birgəyaşayış və sabitlik mühitini yaradan təsirli vasitə olduğu bildirilib.

TədqiqatçılarAzərbaycanın Birinci vitse-prezidenti Mehriban Əliyevanındünyada İslam dəyərlərinin təbliği üçün ardıcıl işlər apardığını, AzərbaycanınFransanın məşhur Luvr muzeyində İslam bölməsinin təşkilində fəal iştirak etdiyini, həmçinin Vatikanda öz sərgisini nümayiş etdirən ilk müsəlman ölkəsi olduğunu xüsusi vurğulayıblar.

Diskussiyada, həmçinin 12-22 may 2017-ci il tarixlərində Bakıda keçirilən IV İslam Həmrəyliyi Oyunları haqqında söhbət açılmış, bu oyunların təkcə idman yarışı kimi deyil, eyni zamanda, bütün İslam dünyasının birlik, həmrəylik günləri kimi yaddaşlara yazıldığını qeyd ediblər.

Aİİ və Heydər Əliyev İrsini Araşdırma Mərkəzinin növbəti tədbiri keçirilib-


Aİİ və Heydər Əliyev İrsini Araşdırma Mərkəzinin növbəti tədbiri keçirilib-



İnform.az

Baxış sayı: 77