Diaspora Akademiyası
28.09.2018 / 09:00

Diaspor rəhbərinin Misirin EGYPT qəzetində müsahibəsi dərc olunub

Diaspor rəhbərinin Misirin EGYPT qəzetində müsahibəsi dərc olunub
Vətənpərvər” - Azərbaycanın Misirdə Diaspor Təşkilatları Birliyin sədri tədqiqatçı- alim Seymur Nəsirovun, Misirin EGYPT qəzetində müsahibəsi dərc olunub.

Birlikdən İnform.az-a verilən məlumata görə, diaspora sədri Misirlə Azərbaycan arasında tarixi, mədəni və siyasi əlaqələrdən danışarkən, Şİrvanşahların əslən ərəblərdən olduğunu da qeyd edib.

Hal-hazırda Azərbaycanda çoxlu sayda ərəb adında kəndlərin olması xalqlarımız arasında tarixi əlaqələrin olmasının bariz nümünələrindən biri olduğunu bildirib.

O, həmçinin Azərbaycanın Neft ölkəsi kimi də tanındığını bildirib. Bakı nefti haqqında XIII əsrdə yaşamış böyük ərəb alimi Yaqut əl-Həməvi öz "Mucəm əl-Buldan" əsərində Bakı neftindən bəhs etdiyini də qeyd edib.

S. Nəsirov Misirin Azərbaycanın müstəqilliyini tanıyan və diplomatik əlaqələrin qurulması haqqında müqavilələr imzalayan ilk ölkələrdən biri olduğunu vurğulayıb.

Bu gün dövlətlərimiz arasında bütün sahələrdə yüksək səviyyədə əlaqələrin olduğunu və gündən-günə inkişaf etdiyini diqqətə çatdıran diaspora sədri, Misir prezidenti Əbdu əl- Fəttah əl-Sisi Azərbaycan iqtisadiyyat naziri Şahin Mustafayevlə görüşündə "Azərbaycan bizə qardaş ölkədir" ifadəsini də diqqətə çatdırıb.

S. Nəsirov Ulu Öndərin 1994- cü ildə,cənab prezident İlham Əliyevin 2007-ci ildə Misirə etdikləri səfərin əhəmiyyətindən və Misirdə Azərbaycan diasporu və səfirliyin Azərbaycan Xalq Cümhüriyyətinin yaranmasının 100 illiyi ilə bağlı keçirdikləri tədbirdəndə söhbət açıb.

Qeyd edək ki, S.Nəsirov hal-hazırda Misirdə təhsil alan 58 ölkədən olan 1000 dən çox tələbəyə rəhbərlik edir.

20 ildən çoxdur ki, ərəb mənbələrində Azərbaycanla bağlı tədqiqat aparır, 250 dən çox əslən azərbaycanlı olan alimlər haqqında iki kitabın müəllifidir, çoxlu sayda elmi və publisist məqalələri ərəb və Azərbaycan dillərində dərc olunub.

Qahirə Universitetində Azərbaycan dilini tədris edir.


İnform.az

Baxış sayı: 102