Elm-təhsil
27.09.2018 / 11:15

AzMİU ilə Türkiyənin nüfuzlu universiteti arasında ikili diplom müqaviləsi imzalanıb- FOTO

AzMİU ilə Türkiyənin nüfuzlu universiteti arasında ikili diplom müqaviləsi imzalanıb-
Azərbaycan Memarlıq və İnşaat Universiteti (AzMİU) ilə Türkiyənin nüfuzlu İstanbul Texniki Universiteti (İTU) arasında bakalavr pilləsi üçün İnşaat mühəndisliyi ixtisasında ikili diplomların verilməsi haqqında müqavilə imzalanıb.

Bu münasibətlə İTU-nun Süleyman Dəmirəl Mədəniyyət Mərkəzində iki təhsil müəssisəsinin rəsmi heyətlərinin iştirakı ilə görüş keçirilib.Müqaviləni AzMİU-nun rektoru, professor Gülçöhrə Məmmədova və İTU-nun rektoru, professor Mehmet Karaca imzalayıblar.

Əldə olunan razılaşmaya əsasən, ortaq bakalavr proqramının müddəti 4 akademik il olacaq. Tələbələr ortaq proqramın 1 və 2-ci kursunu AzMİU-da, 3 və 4-cü kursunu isə İTU-da İnşaat fakültəsi, İnşaat mühəndisliyi bölümündə birlikdə oxuyacaqlar.

Rektorlar müqaviləni Azərbaycan və Türkiyə arasında təhsil sahəsində əməkdaşlığa dair mühüm sənəd kimi dəyərləndiriblər. AzMİU-nun rektoru Gülçöhrə Məmmədova sənədin əhəmiyyətini xüsusi qeyd edib.

O bildirib ki, universitetlər arasında ikitərəfli əlaqələrin geniş spektrini əhatə edən müqavilədə faydalı əməkdaşlığın həyata keçirilməsi nəzərdə tutulur.

Azərbaycan dövlətinin təhsilə qayğısını vurğulayan AzMİU rektoru ölkəmizdə ali təhsil sisteminin yüksəliş yolunda olduğunu deyib.

Məlumat üçün qeyd edək ki, AzMİU ilə İTU arasında bakalavr pilləsi üçün ikili diplom protokolunun imzalanması barədə razılıq 2011-ci ildə əldə olunan, daha sonra hər iki universitet arasında keçirilən görüşlər və danışıqlar əsasında yenilənib.

AzMİU ilə Türkiyənin nüfuzlu universiteti arasında ikili diplom müqaviləsi imzalanıb-


AzMİU ilə Türkiyənin nüfuzlu universiteti arasında ikili diplom müqaviləsi imzalanıb-


AzMİU ilə Türkiyənin nüfuzlu universiteti arasında ikili diplom müqaviləsi imzalanıb-


İnform.az

Baxış sayı: 194