Sosial
04.07.2018 / 18:40

"Marşrut xətləri üzrə tətbiq edilən xüsusi fəaliyyət rejimi ləvğ edilib"- Mais Ağayev

"Marşrut xətləri üzrə tətbiq edilən xüsusi fəaliyyət rejimi ləvğ edilib"-
Paytaxtın enerji təminatında yaranan çətinliklərin əmələ gətirdiyi problemlər aradan qaldırıldığından müntəzəm marşrut xətləri üzrə tətbiq edilən xüsusi fəaliyyət rejimi ləvğ edilib.

Bunu İnform.az-a BNA-nin İctimai əlaqələr və maarifləndirmə şöbəsinin müdiri Maiq Ağayev bildirib.

Onun sözlərinə görə, hazırda müntəzəm sərnişindaşımaları adi günlərdə olduğu kimi davam etdirilir:

"Bakı Nəqliyyat Agentliyi 3-4 iyul tarixlərində sərnişindaşınmasını xüsusi fəaliyyət rejimində təşkilində yaxından iştirakına və göstərdikləri köməyə görə daşıyıcılara, nəqliyyat əməliyyatları ilə bağlı əhalinin vaxtında məlumatlandırılması və maarifləndirilməsi işlərində göstərdikləri əvəzsiz dəstəyə görə kütləvi informasiya vasitələrinə təşəkkür edir.

Bununla yanaşı, ötən iki gün ərzində nəqliyyat sistemində yaranan çətinlikləri anlayışla qəbul edib yüksək vətəndaşlıq mövqeyi göstərən əhaliyə də dərin minnətdarlığımızı bildiririk."


İnform.az

Baxış sayı: 25