Diaspora Akademiyası
25.06.2018 / 12:30

Komitə sədri yeni millət vəkili ilə danışıb

Komitə sədri yeni millət vəkili ilə danışıb
İyunun 24-də Türkiyədə keçirilən növbədənkənar parlament seçkilərində əslən azərbaycanlı Şamil Ayrım qalib gəlib.

Şamil Ayrım XXI çağırış İstanbul millət vəkili olub.

Diasporla İş üzrə Dövlət Komitəsinin sədri Fuad Muradov Şamil Ayrımla əlaqə saxlayıb, onu təbrik edib və əməkdaşlıq imkanları müzakirə olunub.

Komitənin Mətbuat xidmətindən İnform.az-a verilən məlumata görə, Türkiyəli millət vəkili bildirib ki: “Biz daim Türkiyəni və Azərbaycanı güclü görmək arzusundayıq. Mən bundan sonrakı fəaliyyətimdə də ölkələrimiz arasında əlaqələrin inkişafı üçün çalışacam. Azərbaycan Respublikası Diasporla İş üzrə Dövlət Komitəsi ilə əməkdaşlığı davam etdirəcək, Türkiyədəki azərbaycanlıların qayğılarını diqqətdə saxlayacam. Təbii ki, Qarabağın azadlığı bizim ən böyük arzumuz və məqsədimizdir. Bu yöndə də əlimdən gələni etməyə hazıram”.

Şamil Ayrım millət vəkili kimi ölkəmizə ilk səfəri zamanı Fuad Muradovla görüşəcəyini də bildirib.

İnform.az

Baxış sayı: 37