Hüquq
22.06.2018 / 11:35

Mağazadan oğurluq etməkdə şübhəli bilinən şəxs saxlanılıb

Mağazadan oğurluq etməkdə şübhəli bilinən şəxs saxlanılıb
DİN-in “102 - Zəng Mərkəzi” Xidmətinə Gəncə şəhəri ərazisindəki kompyuter satışı mağazalarının birindən pul oğurlanması və orada yanğın törədilməsi barədə müraciət daxil olub.

Məlumat əsaında, dərhal hadisə yerinə gələn Kəpəz Rayon Polis İdarəsinin əməkdaşları tərəfindən müvafiq tədbirlər həyata keçirilib və mağazadan 7000 manat pulun oğurlandığı, habelə oradakı 1 ədəd kompyuter və onun hissələrinin yandırıldığı müəyyən edilib.

DİN-nin Mətbuat xidmətindən İnform.az-a Əməliyyat-axtarış tədbirləri nəticəsində oğurluğu törətməkdə şübhəli bilinən şəxs qısa müddətdə polis əməkdaşları tərəfindən saxlanılıb. Araşdırmalarla onun Gəncə şəhər sakini Fərid Cəfərov olduğu məlum olub. Mağazadan oğurlanmış həmin məbləğdə pul maddi sübut kimi ondan götürülüb.

Faktla bağlı araşdırma aparılır.

İnform.az

Baxış sayı: 202