Siyasət
14.06.2018 / 09:05

"Naxçıvanla əməkdaşlığın inkişafında səylərimi əsirgəməyəcəm"- Səfir

 "Naxçıvanla əməkdaşlığın inkişafında səylərimi əsirgəməyəcəm"-
Naxçıvan Muxtar Respublikası Ali Məclisinin sədri Vasif Talıbov Moldova Respublikasının ölkəmizdəki fövqəladə və səlahiyyətli səfiri George Leuka ilə görüşüb.

İnform.az "Report"-a istinadən xəbər verir ki, Ali Məclisin sədri qonağı salamlayaraq onu Naxçıvanda görməkdən məmnunluğunu bildirib.

Səmimi qəbula görə minnətdarlıq edən George Leuka Naxçıvanın tarixi və müasir inkişafı haqqında məlumata malik olduğunu qeyd edib. Qonaq muxtar respublikaya səfərinin əməkdaşlıq imkanlarının müzakirəsi baxımından mühüm əhəmiyyət daşıdığını və bu sahədə səylərini əsirgəməyəcəyini bildiribr. Ali Məclisin sədri ölkələrimiz arasındakı ikitərəfli münasibətlərdən, muxtar respublikada ərzaq və enerji təhlükəsizliyinin təmin olunması sahəsində görülən işlərdən danışıb.

Naxçıvan Muxtar Respublikası ilə Moldova arasında əməkdaşlığın inkişaf istiqamətlərini diqqətə çatdıran Ali Məclisin sədri iqtisadi-ticarət, kənd təsərrüfatı, sənaye, turizm və təhsil sahələrində, eləcə də iş adamları arasında qarşılıqlı əlaqələrin inkişafı üçün potensialın olduğunu qeyd edib, səfirə fəaliyyətində uğurlar arzulayb.

İnform.az

Baxış sayı: 42