Din
23.05.2018 / 19:00

Azərbaycan Xalq Cümhuriyyətinin 100 illiyi münasibətilə tərbir keçirilib- FOTO

Azərbaycan Xalq Cümhuriyyətinin 100 illiyi münasibətilə tərbir keçirilib-
Bu gün Azərbaycan Respublikasının Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsi və Lənkəran Şəhər Təhsil Şöbəsinin birgə təşkilatçılığı ilə Azərbaycan Xalq Cümhuriyyətinin 100 illiyi münasibətilə rayonun Kənarmeşə kənd tam orta məktəbində tədbir keçirilib.

Bu barədə İnform.az-a şöbədən məlumat verilib.

Məlumata görə, tədbirdə DQİDK-nın Lənkəran bölgəsi üzrə şöbəsinin əməkdaşı Emin Həmidli, Lənkəran Şəhər Təhsil Şöbəsinin əməkdaşları Ramin Hüccətov, Cəmil Axundzadə, Kənarmeşə kənd tam orta məktəbinin direktoru Natəvan Mirzəcanova, müəllimlər və şagirdlər iştirak ediblər.

Əvvəlcə Azərbaycan Respublikasının dövlət himni səsləndirilb.

Tədbiri giriş sözü ilə açan məktəbin direktoru Natəvan Mirzəcanova çıxışında 28 may1918-ci ilin Azərbaycan tarixinin dövlətçilik salnaməsinə qızıl hərflərlə yazıldığını bildirib. N.Mirzəcanova Xalq Cümhuriyyəti dövründə həyata keçirilən tədbirlərdən danışıb.

Şəhər Təhsil Şöbəsinin əməkdaşları Ramin Hüccətov və Cəmil Axundzadə çıxışlarında türk-islam dünyasında ilk demokratik və dünyəvi dövlət nümunəsi olan Xalq Cümhuriyyətinin 23 aylıq fəaliyyət dövrü haqqında məlumat veriblər. Natiqlər, Ümummilli Lider Heydər Əliyevin Xalq Cümhuriyyətinin ənənələrinin yaşadılması istiqamətində mühüm addımlar atdığını və bu gün isə Prezident İlham Əliyev tərəfindən uğurla davam etdirildiyini qeyd ediblər.

DQİDK-nın Lənkəran bölgəsi üzrə şöbəsinin əməkdaşı Emin Həmidli çıxışında Xalq Cümhuriyyəti dövründə mövcud olan dövlət-din münasibətləri haqqında fikirlərini tədbir iştirakçılarının diqqətinə çatdırıb. E.Həmidli Ulu Öndər Heydər Əliyevin 1998-ci il 30 yanvar tarixli sərəncamı ilə Xalq Cümhuriyyətinin 80 illiyinin qeyd edildiyini vurğulayıb.

Məktəbin tarix müəllimi Ülviyə Əliyeva və digərləri çıxışlarında ölkəmizdə Prezident İlham Əliyev tərəfindən 2018-ci ilin “Cümhuriyyət İli” elan edilməsini yüksək qiymətləndiriblər.

Sonda Xalq Cümhuriyyəti dövründən bəhs edən sənədli film nümayiş etdirilib, şagirdlərin ifasında şeirlər səsləndirilib.

Azərbaycan Xalq Cümhuriyyətinin 100 illiyi münasibətilə tərbir keçirilib-


Azərbaycan Xalq Cümhuriyyətinin 100 illiyi münasibətilə tərbir keçirilib-


İnform.az




Baxış sayı: 91