Hərbi, İdman
18.05.2018 / 10:54

Hərbçilər arasında güləş üzrə 33-cü dünya çempionatında komandamız daha iki medal qazanıb- FOTO

Hərbçilər arasında güləş üzrə 33-cü dünya çempionatında komandamız daha iki medal qazanıb-
Moskva şəhərində hərbçilər arasında güləş üzrə keçirilən 33-cü dünya çempionatında komandamız daha iki medal qazanıb.

İnform.az MN-nin Mətbuat xidmətinin məlumatına istinadən xəbər verir ki, Rusiya Federasiyası Mərkəzi Ordu İdman Klubunun idman zalında keçirilən yarışlarda güləşin sərbəst növündə döşək üzərinə daha iki idmançımız çıxıb.

86 kiloqram çəki dərəcəsində ölkəmizi təmsil edən Kənan Əliyev ardıcıl olaraq parlaq qələbələr qazanaraq finala yüksəlib. Güləşçimiz son qarşılaşmada yalnız Rusiya təmsilçisinə 1 xal hesabı ilə uduzaraq çempionatın gümüş medalını qazanıb.

Daha sonra 97 kiloqram çəki dərəcəsində yarışlara qatılan MOİK nümayəndəsi Roman Bəkirov 3-cü yer uğrunda mübarizədə Kolumbiya idmançısı üzərində təmiz qələbə qazanaraq bürünc medala sahib olub.

Beləliklə, hərbçilər arasında keçirilən güləş çempionatında komandamız bir qızıl, bir gümüş və 4 bürünc medal olmaqla ümumilikdə 6 medal qazanıb.

Qeyd edək ki, mayın 14-dən start götürən çempionat mayın 20-dək davam edəcəkdir.

Hərbçilər arasında güləş üzrə 33-cü dünya çempionatında komandamız daha iki medal qazanıb-


Hərbçilər arasında güləş üzrə 33-cü dünya çempionatında komandamız daha iki medal qazanıb-


İnform.az

Baxış sayı: 278