Elm-təhsil
16.05.2018 / 14:04

Azərbaycan Xalq Cümhuriyyətinin 100illik yubileyinə həsr edilən sərgi açılıb

Azərbaycan Xalq Cümhuriyyətinin 100illik yubileyinə həsr edilən sərgi açılıb
Naxçıvan Muxtar Respublikası Ali Məclisinin Sədri Vasif Talıbovun 25 yanvar 2018-ci il tarixli Sərəncamı ilə təsdiq olunmuş “Azərbaycan Xalq Cümhuriyyətinin 100 illik yubileyinin Naxçıvan Muxtar Respublikasında keçirilməsinə dair Tədbirlər Planı”na əsasən AMEA Naxçıvan Bölməsində Azərbaycan Xalq Cümhuriyyətinin yaranmasının 100 illiyi ilə bağlı silsilə tədbirlər təşkil edilir.

Bölmənin Mərkəzi Elmi Kitabxanasında Azərbaycan Xalq Cümhuriyyətinin yaranmasının 100 illiyi ilə əlaqədar açılan sərgi də bu istiqamətdə növbəti tədbirlərdən biridir.

Bölmənin İnformasiya şöbəsindən İnform.az-a verilən məlumata görə, “Azərbaycan Xalq Cümhuriyyəti-100” başlıqlı sərgidə “Azərbaycan Xalq Cümhuriyyəti və Naxçıvan”, “Azərbaycan Xalq Cümhuriyyəti ensiklopediyası”(I və II cild), “Azərbaycanın Paris Sülh Konfransındakı elçiləri”, “İstiqlalın əzablı yolu”, “Azərbaycan Cümhuriyyəti”, “İstiqlal yürüşü-1918”, “Azərbaycan Demokratik Respublikası 1918-1920” və digər kitablar nümayiş olunur.

Həmçinin Azərbaycan Xalq Cümhuriyyətinin 100 illik tarixindənbəhs edən və müxtəlif illərdə qəzet, jurnal və toplularda dərc edilən yazılar ziyarətçilərə təqdim olunur.

İnform.az

Baxış sayı: 37