Şərhlər
30.04.2018 / 14:16

“Bir möhtəşəm ifa"- Adama elə gəlir ki...

“Bir möhtəşəm ifa"- Firuz Mustafanın facebook səhifəsindən:

Adətən, yeni yaranan sözlərin (neologizmlərin) sözlüklərdə yer almasına can atırıq.


Amma, ancaq, lakin və fəqət... hərdən ürəyimdən keçir ki, bəlkə bəzi sözlərin lüğətdən çıxarılması üçün əlaqədar qurumlara müraciət edək.

Məsələn, götürək “möhtəşəm” sözünü...

Yox, bu söz qətiyyən dilimizdə pis səslənmir. Bu leksemin əzəməti, həşəməti, ehtişamı elə təkcə intonasiyasından bəlli olur.

Bəs irad nəyədir?

Məsələ burasındadır ki, efirdə, ekranda, mətbuatda tez-tez bu sözü yersiz təyin kimi, sifət kimi eşidirik.

Məsələn, təxminən bu cür: “Möhtəşəm kitab təqdimat keçirildi”. Adama əvvəlcə elə gəlir ki, məsələn Murakaminin və ya Pamukun yeni romanı təqdim olunub. Amma sonra məlum olur ki...

Və yaxud: “Bir möhtəşəm ifa”. Adama elə gəlir ki, söhbət Monserrat Kabalyenin və ya Luçano Povarotti haqda gedir.

Amma sonra məlum olur ki...)

İnform.az

Baxış sayı: 110