Elm-təhsil
30.04.2018 / 12:58

ADP keyfiyyətin təminatı ilə bağlı EQAC layihəsinin tərəfdaşı olub- FOTO

ADP keyfiyyətin təminatı ilə bağlı EQAC  layihəsinin tərəfdaşı olub-
Aprelin 24-25-də Bakı Biznes Universiteti tərəfindən hazılanmış və Avropa Komisiyası tərəfindən təsdiq edilmiş Erasmus+ proqramı çərçivəsində “Azərbaycan Universitetlərində Keyfiyyətə Təminat Mərkəzlərinin Yaradılması və İnkişaf Etdirilməsi (EQAC)” adlı layihə ilə bağlı tədbirlər keçirilib.

ADPU-nun İctimaiyyətlə əlaqələr və marketinq şöbəsindən İnform.az-a verilən məlumata görə, layihənin aprelin 24-də Boulevard oteldə keçirilən təqdimatında Azərbaycan Respublikası Təhsil Nazirliyi ilə yanaşı, Avropanın 5 ali təhsil müəssisəsi və ölkəmizin 11 ali təhsil müəssisələrinin rəhbərliyi, millət vəkilləri, müxtəlif ali məktəblərin rəhbərləri və tanınmış elm xadimləri iştirak ediblər.

Azərbaycan Dövlət Pedaqoji Universitetinin (ADPU) tərəfdaşlarından biri olduğu beynəlxalq layihənin açılış tədbirində Beynəxlxalq əlaqələr üzrə prorektor Nigar Abbaszadə, universitet üzrə layihə meneceri, fizika üzrə fəlsəfə doktoru Lətif Kəngərlinski və Keyfiyyətin təminatı şöbəsinin müdiri, siyasi elmlər üzrə fəlsəfə doktoru Rəşad Sadıqov universiteti təmsil ediblər.

Bakı Biznes Universitetinin rektoru, iqtisad elmləri doktoru, professor İbad Abbasov tədbiri giriş sözü ilə açaraq tədbir iştirakçılarını, bütün qonaqları salamlamlayıb, layihə ilə bağlı açıqlama verib və bu layihənin həyata keçirilməsində iştirak edəcək ali təhsil müəssisələrinə uğurlar arzulayıb. Sonra Avropa Komissiyasının Azərbaycan Respublikasındakı nümayəndəliyinin rəhbəri cənab Kestutis Yankauskas layihənin Azərbaycan universitetlərində uğurla həyata keçiriləcəyinə inamından bəhs edərək Avropa Komissiyası ilə Azərbaycan Respublikası arasında münasibətlərin inkişaf perspektivlərindən danışıb.

Sonra Təhsil Nazirliyinin nümayəndəsi Yaşar Ömərov layihənin həyata keçirilməsinin Azərbaycan universitetləri üçün önəmli olduğunu və bunun gələcəkdə bütün Azərbaycan universitetlərinə tətbiqini məqsədyönlü hesab etdiyini bildirib. Daha sonra Böyük Britaniya, İspaniya, İsveç, Litva universitetlərinin nümayəndələri çıxış edərək müasir təhsil sistemi üçün bu layihənin mühüm əhəmiyyətindən bəhs ediblər. Tədbir layihə barədə təqdimatlarla davam edib, o cümlədən layihənin universitet üzrə meneceri Lətif Kəngərlinski ADPU-nun təqdimatını nümayiş etdirib.

EQAC layihəsinin açılış mərasimindən sonra aprelin 25-də Bakı Biznes Universitetində rəhbərliyin, layihə koordinatorunun, yerli və xarici tərəfdaş ali təhsil müəssisələrinin nümayəndələrinin iştirakı ilə ilk iclas keçirilib. Əsas məqsədi Azərbaycan ali təhsil müəssisələrində Keyfiyyətin təminatı mərkəzlərinin yaradılması, iş prinsiplərinin beynəlxalq standartlara uyğunlaşdırılmasından ibarət olan layihə çərçivəsində həyata keçiriləcək təlimlər, yerli və xarici səfərlər, onların idarə olunması məsələləri, ən əsası isə sonda universtetlərdə keyfiyyətin daha mükəmməl idarəetmə sisteminin qurulması məqsədilə onlayın platforma yaradılacağı bildirilib.

Onu da qeyd edək ki, sözügedən tədbirlərdən əvvəl EQAC layihəsinin tərəfdaşı olan universitetlərin rəhbərliyinin, o cümlədən ADPU-nun rektoru, professor Cəfər Cəfərovun da iştirak etdiyi iclas keçirilib. Tədbirdə layihənin mahiyyəti, cari məsələlər, layihə müddətində və sonda ali təhsil müəssisələrinin keyfiyyətin təminatı sahəsində əldə edəcəyi yeniliklər, nailiyyətlər müzakirə edilib.

ADP keyfiyyətin təminatı ilə bağlı EQAC  layihəsinin tərəfdaşı olub-


ADP keyfiyyətin təminatı ilə bağlı EQAC  layihəsinin tərəfdaşı olub-


İnform.az



Baxış sayı: 232