Mədəniyyət
13.04.2018 / 11:40

Məşhur pianoçu Adilə Əliyeva ustad dərsləri keçəcək- Bakıda

Məşhur pianoçu Adilə Əliyeva ustad dərsləri keçəcək-Fransada yaşayan həmyerlimiz, görkəmli pianoçu Bakıda ustad dəsrləri verəcək.

Diasporla İş üzrə Dövlət Komitəsindən İnform.az-a verilən məlumata görə, Azərbaycan diasporunun görkəmli nümayəndəsi, əməkdar artist, Fransa Ali Beynəlxalq Musiqi Akademiyasının direktoru, professor Adilə Əliyeva aprelin 16-dan başlayaraq Bakıda ustad dərsləri keçəcək.

Məqsəd uşaq musiqi məktəblərində təhsilin keyfiyyətini yüksəltmək və müəllimlərin peşəkarlığını artırmaqdır.

Mədəniyyət və Turizm Nazirliyinin dəvəti ilə Bakıya gələn Adilə Əliyeva aprelin 16-da Leopold və Mstislav Rostropoviçlər adına 21 nömrəli onbirillik musiqi məktəbində, aprelin 18-də Qara Qarayev adına Mərkəzi İncəsənət Məktəbində, aprelin 20-də isə Bakı şəhər G.Şaroyev adına 35 nömrəli onbirillik musiqi məktəbində ustad dərsləri keçəcək.

Qeyd edəkki, Adilə Əliyeva Bakı şəhərində anadan olub, sonradan Moskvaya köçərək Çaykovski adına Konservatoriyada təhsil alıb. 25 ilə yaxındır ki, Fransada yaşayan A.Əliyeva 50-dən çox ölkənin konsert salonlarında çıxış edib, 30-dan artıq kompakt-diskərsəyə gətirib. Fransa Ali Beynəlxalq Musiqi Akademiyasının direktoru olan həmyerlimizin adına iki ildən bir Fransa və İsveçrədə beynəlxalq musiqi festivalı təşkilolunur.

Adilə Əliyevanın rəhbərlik etdiyi festivalın münsiflər heyətinə dünyanın tanınmış musiqiçiləri daxildir. Amerikalı eskpertlərin fikrincə, bu müsabiqə dünyanın ən nüfuzlu musiqi müsabiqələrindən biridir. Bu il mayın 17-dəAdilə Əliyeva adınaPianoçuların 12-ci Beynəlxalq Müsabiqəsi keçiriləcək.

Festivalın final konsertində bir sıra beynəlxalq qurumların nümayəndələrinin iştirakı gözlənilir.

İnform.az

Baxış sayı: 38