Sosial, Hadisə
11.04.2018 / 16:14

Qubada meşə ərazisində baş verən yanğın söndürülüb

Qubada meşə ərazisində baş verən yanğın söndürülüb11 aprel 2018-ci il tarixində Şahdağ Milli Parkının Quba bölməsinin Rustov meşəbəyliyinin 5 saylı dolayında baş vermiş yanğın Ekologiya və Təbii Sərvətlər, Fövqəladə Hallar Nazirliklərinin yerli qurumlarının əməkdaşlarının və kənd sakinlərinin birgə səyləri nəticəsində 15-40 radələrində söndürülüb.

İnform.az Ekologiya və Təbii Sərvətlər nazirliyinin Mətbuat xidmətinin məlumatına istinadən xəbər verir ki, yanğın zamanı 0,5 hektar ərazidə quru ot örtüyü və xəzəl yanıb.

Yanğının hansı səbəblərdən baş verməsi məqsədilə araşdırma aparılır.

Xatırladaq ki, Quba rayonunun Təngəaltı kəndinin yaxınlığında, bələdiyəyə məxsus örüş otlaq sahəsində yanğın hadisəsi baş vermiş və sonra yanğın genişlənərək Şahdağ Milli Parkının Quba bölməsinin Rustov meşəbəyliyinin 5 saylı dolayına keçmişdi.

İnform.az

Baxış sayı: 139