Hüquq
06.04.2018 / 10:27

İstintaq təcridxanasına narkotik vasitə keçirilməsinin qarşısı alınıb

İstintaq təcridxanasına narkotik vasitə keçirilməsinin qarşısı alınıbPenitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı İstintaq təcridxanasına narkotik vasitə keçirilməsi cəhdinin qarşısı alınıb.

İnform.az-a Pentensiar xidmətin İctimaiyyətlə əlaqələr şöbəsindən verilən məlumata görə, Cinayət Məcəlləsinin 234.1-ci maddəsi ilə təqsirli bilinərək 1 il 3 ay 28 gün müddətinə azadlıqdan məhrum edilmiş şəxs Əliyev Elşad Rafiq oğlu müəssisəyə qəbul olunarkən əşyalarına və üzərinə baxış keçirilən zaman cibində gizlətdiyi sellofan bükülüdə 0,697 qram heroin aşkar edilmişdir.

Faktla bağlı araşdırma aparılır.

Baxış sayı: 193