Hüquq
03.04.2018 / 16:25

Cinayət başında yaxalandı, və...

Cinayət başında yaxalandı, və...Ölkəmizdə fiziki və hüquqi şəxslərə məxsus bütün mülkiyyət formalarında olan obyektlər və mənzillər Daxili İşlər Nazirliyi Baş Mühafizə İdarəsinin əməkdaşları tərəfindən etibarlı şəkildə qorunur.

Bunu sübut edən hadisələrdən biri ötən gün Xətai rayonu ərazisində baş verib.

DİN-in Mətbuat xidmətindən İnform.az-a verilən xəbərə görə, aprelin 2-də saat 5.40-da Xətai Rayon Mühafizə İdarəsinə ərazidəki qorunan marketlərin birindən həyəcan siqnalı daxil olub.

Dərhal həmin ünvana gələn İdarənin əməkdaşları oradan tütün məmulatı oğurlamağa cəhd edən şəxsi cinayət başında yaxalayaraq 35-ci Polis Bölməsinə təhvil veriblər.

Bölmədə aparılan araşdırmalarla onun Bakı şəhər sakini Asif Həsənov olduğu məlum olub.

Ətrafında aparılan əməliyyat tədbirləri ilə onun digər cinayətlərinin də üstü açılıb.

Polis əməkdaşları tərəfindən A.Həsənovun həmin gün saat 4 radələrində daha bir marketdən oğurluğa cəhd göstərməsi, həmçinin martın 20-də başqa bir marketdən içərisində 3230 manat pul olan seyfi oğurladığı da müəyyən edilib.

Faktla bağlı cinayət işi başlanılıb. Araşdırma aparılır.

İnform.az

Baxış sayı: 232