İdman
02.04.2018 / 09:41

Boksçularımız Avropa çempionatında 2 medal qazanıb

Boksçularımız Avropa çempionatında 2 medal qazanıbRumıniyanın Tırqu-Jiu şəhərində 22 yaşadək boksçular arasında Avropa çempionatı başa çatıb.

İnform.az ABF-ın Mətbuat xidmətinin məlumatına istinadən xəbər verir ki, Azərbaycan millisi yarışı 1 gümüş və 1 bürünc medalla başa vurub.

Çempionatın sonuncu günündə yığmamızın üzvü Tayfur Əliyev (56 kq) rumıniyalı Robert Eusebi Jitarunu sınağa çəkib. Gərgin keçən final döyüşü rəqibin qələbəsi ilə başa çatıb. Nəticədə Avropa Oyunlarının mükafatçısı yarışı ikinci pillədə bitirib.

Qeyd edək ki, Əliyevdən öncə Məhəmməd Abdullayev (+91 kq) bürünc medalı rəsmiləşdirmişdi.

İnform.az

Baxış sayı: 210