Maqazin
15.06.2017 / 15:41

"Etmədiyim bir günahı mənə layiq gördülər"- Deniz Seki

"Etmədiyim bir günahı mənə layiq gördülər"-
Bir neçə gün əvvəl həbsxanadan çıxan müğənni Dəniz Seki ilk müsahibəsini Armağan Çağlayana verib.

İnform.az axşam.az-a istinadən xəbər verir ki, bir saatlıq müsahibədə sənətçi tez-tez göz yaşlarına boğulıub. O, maraqlı məqamlardan danışıb:

- Mən Bayhanı heç bir zaman tənqid etməmişəm. Biz onunla halallaşdıq, o mövzunu bağladıq. İkimizin də narahat olduğu bir vəziyyət yoxdur, amma tez-tez bu barədə soruşurlar. İkimizin yolu ayrıdır, etirazım onu tənqid etmək, yuxarıdan aşağı görmək üçün deyildi. Həyatım boyu kinli bir adam olmadım belə insanları sevmirəm.

- İçəridə özümü ən pis hiss etdiyim an anamın keçirdyi əməliyyatlarda yanında ola bilməmək idi. Qardaşımın övladı doğulanda yanında olmadım... Ailəmizin ilk nəvəsi idi.

- Qaçdığım zamanlar sadəcə həbsxanaya qayıtmaq istəmirdim, yoxsa bu, polisdən qaçmaq deyildi. Etmədiyim bir günahı mənə layiq gördülər, amma adama təsir edir. Bir daha bilərək ora getmək istəmir, kabus kimidir. Qaçaq olduğum altı ay çox çətin idi və axmaq bir dövr idi.

Dəniz Seki onun həbsə düşməsində günahkar kimi göstərilən Hüsnü Şenlendirici haqqında "Özünü sevgi qurbanı adlandırardın" sualına belə cavab verib:

- O, bir yol qəzası idi, sevgi deyildi. Mən də bu müddət boyunca reanimasiyada idim, keçdi artıq. İndi həyatımdakı insan məni heç bir zaman buraxmadı. Mən azad deyildim, o da çöldə azad deyildi. Həbsdən çıxmağıma az qalmış ayrılıq xəbərləri yayılmışdı. Təbii ki inanmadım, hər şey yolundadır.

İnform.az

Baxış sayı: 1323