Müsahibə, Elm-təhsil
05.04.2017 / 11:50

"Çox maraqlıdı və mən bu peşə ilə darıxmıram"- Samin Məlik

"Çox maraqlıdı və mən bu peşə ilə darıxmıram"-Bakı Ali Neft Məktəbinin (BANM) İctimaiyyətlə əlaqələr şöbəsi yeni bir layihəyə başlayır. Bu layihə “Mən BANM-in müəllimiyəm” adlanır.

Sualları BANM-in Neft-qaz mühəndisliyi kafedrasının müəllimi Samin Məlik cavablandırır.

- Ənənəvi olaraq ilk sualımız: Siz niyə məhz müəllim peşəsini seçmisiniz?

- Tələbələrlə işləmək və öyrətmək istəyi, həmçinin sosial bir insan olmağım məni müəllimlik peşəsini seçməyə vadar etdi. Düşünürəm ki, bu peşə mənim üçün çox maraqlıdı və mən bu peşə ilə darıxmıram.

- Bir az özünüz barədə danışın.

- Mən Gəncə şəhərində ziyalı ailəsində anadan olmuşam. Riyaziyyat ixtisası üzrə Bakı Dövlət Universitetinin və Mançester Universitetinin (Birləşmiş Krallıq) uyğun olaraq bakalavr və magistratura pillələrini bitirmişəm. Hal-hazırda AMEA-nın Riyaziyyat və Mexanika İnstitutunda dissertantam.

- Hər bir tələbənin öz sevimli müəllimi olur. Tələbəlik dövrünüzdəki sevimli müəlliminizlə bağlı nə deyə bilərsiniz?

- Bir neçə sevimli müəllimlərim olub. Mənə görə onların ortaq xüsusiyyətlərindən bəziləri; tələbələrlə səmimi münasibət qurmaqları, dərsi maraqlı keçmələri, yüksək insani keyfiyyətləri olubdur.

- Tələbələriniz haqqında danışaq. Onların gələcəklərini necə görürsünüz?


- Tələbələrimin arasında da vaxtlarını özlərini inkişaf üçün səmərəli istifadə edənləri üstünlük təşkil edir və onlarla ünsiyyət qurmaq mənim peşəmi daha da maraqlı edir. Çox vaxt tələbələrin dərsləri ilə və dərsdən kənar fəaliyyətləri ilə maraqlanıram və yeni maraqlı məlumatlar öyrənirəm. Mən həmişə öz üzərində işləyən və özünü inkişaf etdirməyi bacaran insanların gələcəklərini çox parlaq görürəm.

- Bakı Ali Neft Məktəbini 10 il sonra necə təsəvvür edirsiniz?

- Ali Məktəbimiz günbəgün inkişaf edir və öz əhatəsini genişləndirir.10 ildən sonra daha geniş və indiki kimi peşəkar kollektiv ilə, yeni açılmış prioritet ixtisaslarla və dövlətimiz üçün əsl kadr yetişdirən bir ali təhsil müəssisəsi kimi görürəm.

- Boş vaxtlarınızda nə ilə məşğul olursunuz?

- Boş vaxtlarımı əsasən ailəmlə və dostlarımla keçirirəm. Həvəskar olaraq yüngül idman növləri ilə məşğul oluram.

- Bakı Ali Neft Məktəbinin ilk məzunlarına nə arzu edərdiniz?

- Bakı Ali Neft Məktəbinin məzunları artıq yetişmiş hazır kadrlardır. Onlara gözəl karyera və şəxsi həyat arzu edirəm. Öz doğma universitetlərini daima xatirələrində yaşatsınlar.

İnform.az

Baxış sayı: 644