Baş xəbər
17.02.2017 / 17:35

Azərbaycanın Ukraynadakı səfiri Azər Xudiyev Kiyev şəhərinin meri Vitali Kliçko ilə görüşüb- Fotolar

Azərbaycanın Ukraynadakı səfiri Azər Xudiyev Kiyev şəhərinin meri Vitali Kliçko ilə görüşüb-

Azərbaycanın Ukraynadakı səfirliyinin mətbuat xidmətindən Trend-ə verilən məlumata görə, görüş zamanı Azərbaycanla Ukrayna arasındakı tarixi dostluq əlaqələrindən söz açan V.Kliçko Kiyev şəhərinin sosial, iqtisadi göstəriciləri haqqında ətraflı məlumat verib.

Rəsmi Kiyevin Azərbaycanla iqtisadi, siyasi, elmi, mədəni əlaqələrin inkişaf etdirilməsinə xüsusi maraq göstərdiyini diqqətə çatdıran şəhər meri son illər Azərbaycanlı iş adamlarının Ukraynada müxtəlif iqtisadi layihələrdə iştirak etdiyini bildirib. Bu baxımdan "SOCAR Energy Ukraine" şirkətinin nümunəvi fəaliyyət göstərdiyini qeyd edib. Şəhər meri son illər Azərbaycanın müxtəlif regionlarında inşa olunmuş olimpiya idman mərkəzlərindən, xüsusilə də Bakı şəhərində həyata keçirilən qlobal sosial-iqtisadi layihələrdən xəbərdar olduğunu diqqətə çatdıraraq, bu istiqamətdə Kiyev şəhərində nəzərdə tutulmuş yol və digər infrastruktur layihələrinin yenidən qurulmasına təcrübəli Azərbaycan şirkətlərinin cəlb olunmasının vacibliyini vurğulayıb. V. Kliçko ölkəmizdə aparılan işlərlə yaxından tanış olmaq üçün Bakıya səfər etmək arzusunda olduğunu bildirib.

Səmimi qəbula görə Kiyev şəhərinin merinə minnətdarlığını bildirən Azərbaycanın Ukraynadakı səfiri A.Xudiyev son illər ölkəmizdə həyata keçirilən qlobal sosial-iqtisadi layihələrin beynəlxalq əhəmiyyətindən söz açıb. Bu gün Azərbaycanın dünyanın ən möhtəşəm mədəniyyət və idman oyunlarına ev sahibliyi etdiyini diqqətə çatdırıb. Səfir Ukraynanın bir sıra yol, körpü və digər infrastruktur tikinti layihələrində Azərbaycanın təcrübəli şirkətlərinin yaxından iştirak etdiyini vurğulayıb. Bu şirkətlərin gələcəkdə Kiyev şəhərinin müvafiq infrastruktur layihələrində iştirak etməsinin müsbət nəticə verəcəyinə əmin olduğunu bildirib.

Görüş zamanı Bakı ilə Kiyev arasında dostluq əlaqələrinin daha da inkişaf etdirilməsi, qarşılıqlı mədəni tədbirlərin təşkil olunması məsələləri haqqında geniş fikir mübadiləsi aparılıb. A.Xudiyev məşhur idmançının Azərbaycanla yaxından tanış olmaq istəyini nəzərə alaraq, onu may ayında ölkəmizə rəsmi səfərə dəvət edib.

Azərbaycanın Ukraynadakı səfiri Azər Xudiyev Kiyev şəhərinin meri Vitali Kliçko ilə görüşüb-


Azərbaycanın Ukraynadakı səfiri Azər Xudiyev Kiyev şəhərinin meri Vitali Kliçko ilə görüşüb-


İnform.az

Baxış sayı: 392