İdman
01.06.2016 / 14:32

İdmançımız Ukraynada yenidən 3-cü oldu

İdmançımız Ukraynada yenidən 3-cü olduUkraynada Beynəlxalq Velosipedçilər İttifaqının 2.2 kateqoriyalı "Tour of Ukraine" veloyürüşü start götürüb.
İnform.az bildirir ki, Azərbaycan Velosiped İdmanı Federasiyasından Trend-ə verilən məlumata görə, 19 komandanın iştirak etdiyi 3 mərhələli yarışda Azərbaycanın "Synergy Baku" kontinental komandası da mübarizə aparır.
Yarışın 161,6 km-lik birinci mərhələsində komanda üzvlərimizdən ən yaxşı göstəriciyə Samir Cəbrayılov imza atıb - o, 3 saat, 54 dəqiqə, 32 saniyə nəticə ilə həm finiş xəttini 3-cü keçib, həm də yaşı 23-dək olan ən yaxşı gənc velosipedçi üçün nəzərdə tutulan köynəyi ələ keçirib.
Qeyd edək ki, "Synergy Baku" "Tour of Ukraine"da Elgün Əlizadə, Kənan Qəhrəmanlı, Elçin Əsədov, Samir Cəbrayılov, Aleksandr Surutkoviç və İsmayıl İlyasovdan ibarət heyətlə mübarizə aparır.




İnform.az

Baxış sayı: 322