Qarabağ
28.04.2016 / 13:30

Ağdamdakı yaralılardan 4-ü evə buraxılıb, 3-ü xəstəxanadadır

Ağdamdakı yaralılardan 4-ü evə buraxılıb, 3-ü xəstəxanadadır“Gecə saatlarından başlayaraq ermənilərin güclü bombardmanı nəticəsində yaralanan mülkü şəxslərdən 4-ü artıq evə buraxılıb”. Bu barədə Modern.az-a məlumat verən Səhiyyə Nazirliyinin mətbuat xidmətinin əməkdaşı Səfayə Əhmədova bildirib ki, 3 nəfər isə xəstəxanaya yerləşdirilib.

“Onun da vəziyyəti orta-ağırdır. Bərdə rayon Mərkəzi Xəstəxanasına yerləşdirilən yaralılara yüksək səviyyədə bütün lazımi tibbi yardım göstərilib. Qan Bankı tərəfindən Xəstəxana qanla təmin edilib. Tibbi işçiləri yaralıların xəstəxanaya hansı saatda gətirilməsindən asılı olmayaraq, istənilən vaxt onlara tibbi yardım göstərməyə hazır vəziyyətdədirlər".

Ötən gecə Ermənistan silahlı qüvvələrinin atəşi nəticəsində Ağdam rayonunun 1 sakini dünyasını dəyişib, daha 7 nəfər isə yaralanıb.

İnform.az

Baxış sayı: 312