Rəsmi, Sosial
16.01.2016 / 15:26

Əmək pensiyalarının baza hissəsi artırılıb - SƏRƏNCAM

Əmək pensiyalarının baza hissəsi artırılıb - Azərbaycan Prezidenti İlham Əliyev pensiyaçıların sosial müdafiəsini gücləndirmək məqsədilə əmək pensiyalarının baza hissəsinin artırılması haqqında sərəncam imzalayıb.

İnform.az xəbər verir ki, sərəncama əsasən, yaşa görə əmək pensiyasının baza hissəsinin məbləği 2016-cı il fevralın 1-dən 10 faiz artırılaraq 110 manat müəyyən edilib.

Dövlət Sosial Müdafiə Fonduna tapşırılıb ki, Azərbaycanın Milli qəhrəmanlarının və şəhidlərin ailə üzvlərinin, əlillərin və digər şəxslərin əmək pensiyalarının baza hissəsinə əlavələr də daxil olmaqla, bütün növ əmək pensiyaları üzrə aylıq pensiya məbləğlərinin bu sərəncama uyğun olaraq artırılaraq yenidən hesablanmasını təmin etsin.

Baxış sayı: 685