Maraqlı
07.12.2015 / 09:53

Böyük məzarlıq aşkarlandı

Böyük məzarlıq aşkarlandıÇinin Xenan əyalətində böyük məzarlıq aşkarlanıb. İlkin hesablamalara görə, məzarlıq Konfutsi yaşadığı dövrə - “Çunçyu” dövrünə aiddir. Rəsmi mənbələrdən alınan məlumata görə, məzarlıq 200 m2 olub 200 qəbirdən, at və arabalardan, 10 ədəd yandırma sobalarından və kül üçün nəzərdə tutulmuş çuxurdan ibarətdir.

Bu barədə İnform.az xarici mətbuata istinadən xəbər verir.

“Çunçyu” dövrü iqtisadi inkişaf, əhalinin artması və müxtəlif padşahlıqlar arasında mübarizələrin güclənməsiylə səciyyələnir. Daxili çəkişmələrə rəğmən, bu dövrdə kənd təsərrüfatı alətlərinin dəmirdən hazırlanmasına başlanmışdı. Kəndlilər tarlaları şumlamaq üçün öküzlərdən istifadə edirdi və ölkədə sulama sistemi təkmilləşdirilmişdi.

Bu dövrdə məşhur filosof Konfutsi də dünyaya gəlib. O,ideoloji dəyərlərə və etik normalara dayanaraq ictimai-siyasi həyata nizam gətirmişdi. Uğurlu inkişaf üçün Konfutsi, davamlı özünü inkişaf etdirmə prinsipini təklif etmişdi.

İnform.az

Baxış sayı: 182