İqtisadiyyat, Sosial
25.11.2015 / 14:23

Kiyevdə Dağlıq Qarabağla bağlı müzakirələr keçirildi (FOTO)

Kiyevdə Dağlıq Qarabağla bağlı müzakirələr keçirildiKiyevdə Dağlıq Qarabağla bağlı müzakirələr keçirildi "Dailykarabakh" saytının təşkilatçılığı ilə Kiyevdə “Dağlıq Qarabağ həqiqətlərinin dünya ictimaiyyətinə çatdırılmasında soydaşlarımızın üzərinə düşən vəzifəlr” mövzusunda “dəyirmi masa” keçirilib.
Tədbirdə Azərbaycanın Ukraynadakı səfirliyinin nümayəndəsi, Ukraynada fəaliyyət göstərən diaspora təşkilatlarının rəhbərləri, gənclər, alimlər və media nümayəndələri iştirak ediblər.
Kiyevdə Dağlıq Qarabağla bağlı müzakirələr keçirildi
Dailykarabakh saytının rəhbəri Emil Hüseynli bildirib ki, tədbirin keçirilməsində məqsəd Dağlıq Qarabağ həqiqətlərinin dünya ictimaiyyətinə çatdırılmasında soydaşlarımızın üzərinə düşən vəzifələri müzakirə etməkdir: “Azərbaycan Prezidenti İlham Əliyev çıxışlarında dəfələrlə bəyan edib ki, biz Dağlıq Qarabağ probleminin həllində hücum siyasətinə keçməliyik. Hesab edirəm ki, bu işdə soydaşlarımızın üzərinə daha çox məsuliyyət düşür. Bildiyiniz kimi, Ermənistan dövləti çox hallarda ölkələrinə dəvət etdiyi şəxsləri aldadaraq Dağlıq Qarabağa aparırlar və bundan şou düzəldirlər. Ona görə də bu istiqamətdə xarici vətəndaşların daha çox maarifləndirilməsinə ehtiyac var”.
Kiyevdə Dağlıq Qarabağla bağlı müzakirələr keçirildi
E.Hüseynli təklif edib ki, Dağlıq Qarabag həqiqətlərinin təbliği üçün Ukraynada diaspora təşkilatlarının, soydaşlarımızın təmsil olunduğu Koordinasiya Şurası yaradılmalıdır. Koordinasiya Şurası Dağlıq Qarabağ problemi ilə bağlı sistemli işin görülməsinə öz töhfəsini verər.
Kiyevdə Dağlıq Qarabağla bağlı müzakirələr keçirildi
Tədbirdə çıxış edən Azərbaycanın Ukraynadakı Səfirliyinin I katibi Mübariz Cəfərov bu cür tədbirlərin keçirilməsinin vacibliyini vurğulayıb və bildirib ki, bu kimi tədbirlər Dağlıq Qarabağ həqiqətlərinin dünya ictimaiyyətinə çatdırılmasında öz töhfəsini verir.
Birləşmiş Ukrayna Azərbaycanlıları Konqresinin sədri Rövşən Tağıyev, Ukrayna Azərbaycanlıları Ali Məclisinin sədri Akif Gülməmmədov, Ukrayna Azərbaycanlı Gənclər Birliyinin sədri İlhamə Allahverdiyeva, Ukrayna Elmlər Akademiyasının akademiki Arif Quliyev çıxışlarında vurğulayıblar ki, Dağlıq Qarabağ problemi hər bir soydaşımızın prioritet fəaliyyəti olmalıdır. Onlar qeyd ediblər ki, Ukraynada yaşayan azərbaycanlılar Dağlıq Qarabağ həqiqətlərinin çatdırılması üçün silsiləvi tədbirlər keçirirlər. ATƏT, BMT-nin nümayəndəliyi qarşsında etiraz aksiyaları keçiriblər. Diaspor rəhbərləri çıxışlarında, həmçinin Dağlıq Qarabağ prblemi ilə bağlı Koordinasiya Şurasının yaradılmasına dair səslənən təklifi müsbət qarşılaşdıqlarını bildiriblər.
Kiyevdə Dağlıq Qarabağla bağlı müzakirələr keçirildi
Azərbaycan Televiziyasının Ukrayna və Şərqi Avropa ölkələri üzrə xüsusi müxbiri Mövsüm Qədiroğlu çıxışında qeyd edib ki, güclü erməni lobbisinə qarşı soydaşlarımızn koordinasiyalı şəkildə fəaliyyət göztərməsi Dağlıq Qarabağ həqiqətlərinin dünyaya çatdırılmasında rolunu oynayacaq: “Hesab edirəm ki, xarici ölkələrdə fəaliyyət göstərən Azərbaycanın diaspora və qeyri-hökumət təşkilatları bu cür tədbirlərin keçirilməsi üçün öz dəstəyini verməlidir. Bu iş koordinasiyalı şəkildə həyata keçirilməlidir”.
Kiyevdə Dağlıq Qarabağla bağlı müzakirələr keçirildiKiyevdə Dağlıq Qarabağla bağlı müzakirələr keçirildi
Qafqazinfo saytının rəhbəri Elbrus Ərud deyib ki, istər Dağlıq Qarabağ problemi ilə bağlı olsun, istər digər fəaliyyətlə əlaqədar görülən işin effektivliyini artırmaq üçün Ukraynada yaşayan azərbaycanlıların vahid portalı yaradılmalıdır. Bu portal vasitəsilə təbliğat-təşviqat işini düzgün yerinə yetirib, Azərbaycana dair istənilən xəbəri dünya ictimaiyyətinə asanlıqla çatdırmaq olar.

Baxış sayı: 316