Sosial
19.11.2015 / 12:06

Əlil şəxslərin yaradıcılıq sərgi-müsabiqəsi keçiriləcək

Əlil şəxslərin yaradıcılıq sərgi-müsabiqəsi keçiriləcəkƏmək və Əhalinin Sosial Müdafiəsi Nazirliyi əlilliyi olan şəxslərin və sağlamlıq imkanları məhdud uşaqların sosial reabilitasiyası və cəmiyyətə inteqrasiyası məqsədilə noyabrın 24-26-da əlilliyi olan şəxslərin IX Ümumrespublika yaradıcılıq sərgi-müsabiqəsini keçirəcək.

Nazirliyin ictimaiyyətlə əlaqələr şöbəsindən verilən məlumata görə, Mədəniyyət və Turizm Nazirliyi, Rəssamlar İttifaqı ilə əməkdaşlıq şəraitində keçirilən tədbir Tofiq İsmayılov adına Uşaq-Gənclər Yaradıcılıq Sarayının Təsviri sənət qalereyasında (Bakı şəhəri, Azadlıq prospekti, 16/21) təşkil olunacaq.

Sərgi-müsabiqədə Azərbaycanın bütün bölgələri üzrə 221 nəfər əlilliyi olan şəxsin və sağlamlıq imkanları məhdud uşağın rəsm, xalçaçılıq, bədii tikmə, toxuma və hörmə, dulusçuluq, keramika, ağac üzərində oyma və metal üzərində işləmə, bədii tikmə və s. növlərdə hazırladıqları 762 əl işi nümayiş etdiriləcək.

Əmək və Əhalinin Sosial Müdafiəsi Nazirliyinin “2015-ci il üçün əlilliyi olan şəxslərin və sağlamlıq imkanları məhdud uşaqların sosial müdafiəsi və reabilitasiyası proqramı”na əsasən keçiriləcək tədbirdə müəyyən edilmiş nominasiyalar üzrə fərqlənənlərə mükafatlar təqdim olunacaq.

İnform.az

Baxış sayı: 310