Sağlamlıq
27.10.2015 / 11:25

Səhiyyə Nazirliyi aptekləri yoxlayır

Səhiyyə Nazirliyi aptekləri yoxlayır
Psixotrop dərmanların satışı ilə məşğul olan 5 aptek yoxlanılıb.

Səhiyyə Nazirliyi Respublika Narkoloji Mərkəzinin mütəxəssisləri tərəfindən bu ilin 9 ayı ərzində 12 özəl tibb müəssisəsinə və 5 aptekə baxış keçirilib, müvafiq aktlar tərtib olunub.
İnform.az xəbər verir ki, bu barədə Xezerxeber.com-a Səhiyyə Nazirliyinin mətbuat xidmətindən məlumat verilib.
Eyni zamanda, sərxoşluq hallarının bütün növlərinin təyini məqsədilə 24 min 925 nəfər tibbi müayinədən keçib. Onlardan 554-ü narkotik vasitələrin istifadəsinə görə müayinə olunub.
Aşkar edilmiş narkotik vasitələrin növünün, çəkisinin, tərkibinin operativ surətdə müəyyən edilməsi məqsədilə Bakı şəhərində Səhiyyə Nazirliyi tərəfindən müasir zəruri avadanlıqlarla təchiz olunmuş laboratoriya təşkil edilib. Gələcəkdə müvafiq laboratoriyalar bölgələrdə də təşkil olunacaq.

Baxış sayı: 383