Gündəm
28.09.2015 / 17:24

317 nəfərin deputatlığa namizədliyi qeydə alınıb

317 nəfərin deputatlığa namizədliyi qeydə alınıb
“Deputatlığa namizədlik üçün müraciət edənlərin sayı 1560 nəfərdir”.
Bunu Mərkəzi Seçki Komissiyasının bu gün keçirilən iclasında qurumun sədri Məzahir Pənahov deyib.
O bildirib ki, 660 nəfərin namizədliyi siyasi partiyalar, 60 nəfərin namizədliyi siyasi partiyalar bloku, 3 nəfərin namizədliyi təşəbbüs qrupu tərəfindən irəli sürülüb, 937 nəfər isə şəxsi təşəbbüslə müraciət edib: “1461 nəfərin namizədliyinin irəli sürülməsi təsdiq edilib, onlardan 1352 nəfər imza vərəqi alıb və 521 nəfər imza vərəqələrini qaytarıb. Namizədliyi qeydə alınanların sayı isə 317 nəfərdir”.
M. Pənahov qeyd edib ki, 108 nəfər müşahidəçi MSK-dan akkreditasiyadan keçib, onların 97-si fərdi qaydada, 10 nəfər QHT tərəfindən, bir nəfər isə xüsusi icazə almış müşahidəçidir.

İnform.az

Baxış sayı: 322